Nuk është e lehtë të flesh kur termometri shënon 40 gradë. E dimë mirë që vapa dhe temperaturat e larta janë të bezdisshme.
Megjithatë ka zgjidhje që sipas ekspertit për gjumin Guy Meadows nëse zbatohen mund të flemë më mirë.
Me siguri keni provuar që të hidhni pak ujë deti në qafë para se të hyni të laheni. Ky veprim ndihmon që të mësoheni me temperaturën e ujit.
Një gjë të ngjashme mund ta bëni edhe kur shtriheni për të fjetur dhe nuk ju zë gjumi për shkak të vapës së madhe.
Nëse keni vështirësi për të fjetur, vendosni në qafë një leckë të freskët që e keni vendosur në frigorifer gjatë ditës.
Kjo ndjesi ftohjeje ka shumë të ngjarë t’ju ndihmojë të flini si një fëmijë. Një veprim shumë i thjeshtë që do t’ju vijë në ndihmë në këto ditë të nxehta.
