Qeveria e Republikës së Maqedonisë së Veriut e shqyrtoi dhe miratoi Informacionin e përgatitur nga Ndërmarrja Publike për rrugë shtetërore dhe Ministria e Transportit dhe Lidhjeve nga ku lirohen nga pagesa në pikëpagesat shtetasit serb gjatë sezonit të verës.
Shtetasve serb do t’u përgatiten kartela elektronike në automjete (M-Smart Card) dhe kjo do të vlejë për korridorin 10 gjatë sezonin të verës nga 15.06.2021 deri më 15.08.2021.
“Në këtë drejtim u obligua Ministria e Financave që të çojë mjete prej 172.000.000.00 denarë për blerjen e 200 mijë M Smart Card në llogarinë e Qeverisë”, thuhet në njoftimin e Qeverisë.
Ministria e Punëve të Brendshme e ka për obligim që të dorëzojë kartelat te automjetet me turistë serb që hynë në territorin e Maqedonisë përmes vendkalimit kufitar Tabanoc.
Ndryshe, një vendim i tillë vjen për shkak se Serbia disa herë i dhuroi vaksina falas Maqedonisë së Veriut.
