Për shkak të dyshimit për kryerjen e veprës penale “mosrespektim të masave shëndetësore gjatë kohës së epidemisë”, SPB Ohër ka ngritur padi ndaj personit D.A. 44 vjeçar nga Shkupi.
Personi në fjalë më 13 mars të këtij viti, kur nga Austria ka arritur në Republikën e Maqedonisë së Veriut, ka firmosur deklaratë për vet-izolim, të cilën e ka shkelur më 20 mars, kur në Shkup është nisur drejtë spitalit me qëllim që të kryej test për koronavirus.
Pas rezultateve që rezultuan se është pozitiv, ai me vetiniciativë, pa mos respektuar udhëzimet mjekësore për vet-izolim është nisur drejt banesës së tij në Ohër.
Më pas, pa pengesa ka lëvizur nëpër Ohër dhe atë pa maskë dhe pa doreza.
