Gjatë ditës së sotme numri i të diagnostifikuarve në Maqedoninë e Veriut me coronavirus tejkaloi shifrën prej 10 mijë të infektuar.
Shkupi është qyteti me më së shumti të infektuar, dhe momentalisht ka 1.935 raste aktive.
Brenda Shkupit, Komuna e Çairit mbetet komuna me më së shumti të infektuar me 271 raste aktive, ndërsa më pas vjen Aerodromi me 212 raste dhe Gazi Baba me 198 raste aktive.
Butelli ka 138 raste aktive, Komuna Qendër 161 raste, Karposhi 174, Saraj 114, Kisella Voda 179, Gjorçe Petrov 129 dhe Shuto Orizare 126 raste aktive. Nga komunat ku numri i të infektuarve është nën 100 janë Studeniçani me 99 raste, Haraçina me 34, Ilindeni 26, Petroveci 23, Çuçer Sandeva 11, Sopishte 21 dhe Zelenikovë 9.
