Sot në mëngjes, në rrugët e Shkupit nuk mund të vëreheshin autobusët e Ndërmarrjes Publike të Transportit, dhe qytetarët që shfrytëzojnë shërbimet e NQP-së mbetën pa transport.
Autobusët me dy kate, të cilët zakonisht shiheshin rregullisht nëpër rrugët e Shkupit, sot nuk ishin të pranishëm, ndërsa disa qytetarë, duke shpresuar që linja të arrinte, pritnin në stacionet e autobusëve.
Transporti publik edhe këtë mëngjes është i reduktuar për shkak të mungesës së karburantit për autobusët e NQP Shkup.
Që nga pasditja e djeshme, në Shkup qarkullojnë vetëm 25 autobusë, ndërsa të tjerët janë të parkuar në depot e JSP-së në Autokomandë dhe Gjorçe Petrov për shkak të mungesës së karburantit. Sot në mëngjes janë vërejtur autobusët me numrat 15, 20 dhe 16.
Kryetari i Këshillit të Qytetit të Shkupit, Trajko Slaveski, njoftoi se Këshilli sot do të mbajë një seancë urgjente të jashtëzakonshme me fillim në ora 18:00.
Sipas tij, Këshilli, brenda kompetencave të tij, është i gatshëm që përmes një debati konstruktiv të miratojë përfundime me të cilat do të kërkojë nga autoritetet kompetente, kryesisht nga kryetarja Danela Arsovska dhe drejtorët, që të normalizojnë urgjentisht transportin publik në territorin e Shkupit dhe të përmirësojnë nivelin e higjienës.
