Të gjitha 11 shkollat fillore në Komunën e Gazi Babës janë të gatshme për fillimin e vitit të ri shkollor. Këtë e potencoi kryetari i komunës së Gazi Babës, Boris Georgievski pas përfundimit të shqyrtimit të të gjitha shkollave fillore në territorin e komunës. Ai potencoi se shkollat janë të gatshme për mbajtjen e të dy modeleve për mësim: edhe onlajn edhe fizikisht.
“Platformat elektronike për mësimin elektronik tashmë janë gati dhe janë ngarkuar tashmë në faqet e internetit të shkollave. Përgatitjet për praninë fizike janë gjithashtu në fazën përfundimtare. Përmes udhëzimeve të përbashkëta, rekomandimeve dhe këshillave, ne kemi bërë një strategji të mirë me ekipin tim, drejtorët dhe ekspertët në këtë fushë, si të veprojmë nga 1 shtatori, pavarësisht nga modeli mësimor – me një qëllim të vetëm, një fillim të sigurt për vitin shkollor”, tha Georgievski.
Ai njoftoi se këtë javë protokollet për të gjitha shkollat fillore do të jenë të gatshme dhe do t’u prezantohen prindërve. Për më tepër, çdo shkollë do të ketë një plan të veçantë dezinfektimi dhe skemën e lëvizjes në të gjithë shkollën.
