Ish-këshilltari politik i Albin Kurtit, Shkëlzen Gashi, duket se ka nxitur përsëri debat për Ushtrinë Çlirimtare të Kosovës, kësaj here duke u shfaqur dyshime pse Prishtina ishte çliruar para Skenderajt në ’99-të.
Kjo sipas tij meqë Shtabi i Përgjithshëm i UÇK-së ishte pikërisht në Komunën e Skenderajt, njofton Klan Kosova.
”Më bëri përshtypje që Skënderaj ishte çliruar 6 ditë pas Prishtinës? Shtabi i Përgjithshëm i UÇK-së ishte në Komunën e Skënderajt. Pse UÇK-ja nuk e çliroi fillimisht Skënderajn e më pas Prishtinën? Si të spjegohet që Skënderaj u çlirua gjashtë ditë pas Prishtinës?”, ka shkruar Gashi mes tjerash.
