Më shumë asete ushtarake amerikane do të mbërrijnë në vendet e Evropës Lindore gjatë ditës së sotme, u tha gazetarëve të enjten një zyrtar i lartë i Mbrojtjes.
Gjashtë F-35 do të mbërrijnë sot në Estoni, Lituani dhe Rumani, nga dy për secilin vend, tha zyrtari.
Siç raporton CNN, grupi i helikopterëve sulmues “janë në rrugën e tyre”, tha zyrtari, por vuri në dukje se ka pasur “disa probleme të motit” për t’i çuar ata në vendndodhjet e tyre.
“Ne ende presim që ata Apache të futen në vend më vonë sot,” tha tutje zyrtari.
Të martën, presidenti i Shteteve të Bashkuara të Amerikës, Joe Biden njoftoi se më shumë asete ushtarake të SHBA-së do të vendosen në aleatët e NATO-s në Evropën Lindore, përcjellë rtv21.tv
Ky njoftim përfshinte lëvizjen e deri në tetë luftëtarë sulmues F-35 nga Gjermania në vendet e tjera të Evropës Lindore përgjatë krahut lindor të NATO-s, 20 helikopterë AH-64 nga Gjermania në rajonin e Balltikut dhe 12 helikopterë AH-64 të lëvizur nga Greqia në Poloni. tha të martën një zyrtar i lartë i mbrojtjes.
“Trupat amerikane mbeten jashtë Ukrainës”, shtoi zyrtari./21Media
