Forcat Ajrore të Shteteve të Bashkuara të Amerikës kanë dërguar për herë të parë avionë bo*mbardues B-1 në Norvegji, për t’i dërguar një mesazh të qartë Rusisë se ushtria amerikane do të mbrojë aleatët e saj në rajonin e Arktikut, ndaj çdo agresioni të Moskës pranë kufirit norvegjez.
Sipas burimeve të CNN, 4 avionë B-1 dhe rreth 200 personel i forcave ajrore janë dërguar në Bazën Ajrore Orland të Norvegjisë. Deri tani, misione të tilla në Arktik ishin lënë në dorë të Mbretërisë së Bashkuar.
Komandati i Forcave Ajrore amerikane në Evropë dhe Afrikë, gjenerali Jeff Harrigian, u shpreh: “Aftësia dhe gadishmëria jonë operacionale për të mbështetur aleatët dhe partnerët, si dhe aftësia për t’u përgjigjur shpejt, janë të rëndësishme për të pasur sukses”.
“Investimet e fundit ruse në Arktik përfshijnë një rrjet asetesh sulmuese ajrore dhe një sistem raketor bregdetar”, paralajmëronte Barbara Barret, sekretare e Forcave Ajrore gjatë administratës Trump.
Muajt e fundit, Pentagoni ka dërguar avionë bombardues B-52 në Lindjen e Mesme, për të treguar aftësinë e SHBA-së për të bërë lëvizje të shpejta ushtarake në rajonet e tensionuara.
