Ministrja e Punës dhe Politikës Sociale Jagoda Shahpaska sot mori pjesë në Takimin e dytë ministror për punësim dhe çështje sociale, në të cilin morën pjesë ministra nga vendet anëtare të BE-së dhe vendet e Ballkanit Perëndimor, I cili u mbajt në Bërdo afër Kranj, Slloveni.
Në takimin,në të cilin u diskutua për politikat rinore dhe për sigurimin e integrimit të qëndrueshëm të të rinjve në tregun e punës, mori pjesë edhe eurokomisari për vende pune dhe të drejta sociale, Nikolas Shmit, i cili paralajmëroi mbështetje të fortë për implementimin e Garancisë rinore në të gjitha vendet e Ballkanit Perëndimor.
Ministri i Punës, Familjes, Çështjeve Sociale dhe Mundësive të Barabarta të Republikës së Sllovenisë Janez Cigler Kral, në fjalimin e tij vlerësoi se të rinjtë janë të prekur nga kriza dhe për këtë arsye është jashtëzakonisht e rëndësishme të sigurohet mbështetje edhe për të rinjtë nga vendet anëtare të BE-së, por edhe për të rinjtë në vendet e Ballkanit Perëndimor.
Siç informojnë nga Ministria e Punës dhe Politikës Sociale, në takim u theksua se Republika e Maqedonisë së Veriut, si vendi i parë dhe i vetëm në Ballkanin Perëndimor, në vitin 2018 ndërmori hapa “pionierë” në këtë drejtim, duke pilotuar Garancinë rinore bazuar plotësisht në modeli i BE, pas të cilit nga viti i ardhshëm ajo iniciativë u zbatua në të gjithë vendin.
“Në implementimin e deritanishëm, në programin Garancia rinore në Republikën e Maqedonisë së Veriut, morën pjesë rreth 60,000 të rinj. Do të doja të theksoja që nga viti 2019, statistikat në lidhje me tregun e punës, tregojnë përmirësime të konsiderueshme dhe të mëdha në lidhje me të rinjtë. Shkalla e punësimit të të rinjve u rrit me 3.5 pikë përqindje krahasuar me 2018. Shkalla e papunësisë së të rinjve ra nga 37 në 30.5 përqind, dhe niveli i NEETs (të rinjtë që nuk janë të punësuar ose të përfshirë në arsim ose trajnim) gjithashtu ra ndjeshëm me 5.3 pikë përqindje, nga 29 në 24 përqind., 5 përqind”, theksoi ministrja Shahpaska.
