Bartësja e listës së Këshilltarëve nga radhët e BDI-së, Sermine Purrini, çairasve u kërkoi votën që Çairin ta bëjnë komunën me të mirë, më të pastër dhe me të gjelbër. Purrini mes tjerash shtoi se të gjithë nënat dëshirojnë që fëmijët e tyre të kenë ardhmëri më të mirë, transmeton TV21.
“Ne jemi nëna, ne rrisim dhe edukojmë fëmijë e bëjmë me përkushtim se duam që fëmijët tonë të kenë të ardhmen më të mirë, të kenë komunën më të pastër, të kenë gjelbërimin më të bukur dhe me dinjitet të jetojnë. Unë pas gjithë këtyre viteve karrierë në institucione publike në zhvillimin dhe avancimin e kulturës i jam futur garës poltike në krye me Visar Ganiun, për të vetmin qëllim, ta kryej me sukses misionin tim për fuqizimin politikë të gruas shqiptare”, tha bartësja e listës së Këshilltarëve në Komunën e Çairit nga radhët e BDI-së, Sermine Purrini.
