Hetimet për aksidentin e autobusit në autostradën “Struma” në Bullgari ku humbën jetën 45 shtetas të Maqedonisë, mes të cilëve 12 fëmijë, janë drejt përfundimit dhe ende priten rezultatet e ekspertizës mjeko-ligjore, teknike dhe zjarrfikëse. Ata, siç tha sot për BNT zëvendësprokurori Borislav Sarafov, mund të jenë gati para Krishtlindjeve, gjegjësisht deri më 25 dhjetor.
Sipas Sarafov, shpejtësia me të cilën lëvizte autobusi ishte ndoshta e papërshtatshme për kushtet e rrugës dhe i kalonte 90 kilometra në orë, dhe shumica e autobusëve të udhëtarëve kanë kufizime teknike që të mos kalojnë një shpejtësi të caktuar. “Kërkesat për një shofer profesionist autobusi janë më të larta se për çdo shofer tjetër. Prandaj ishte e nevojshme që shpejtësia të ishte e përshtatshme për kushtet pavarësisht nga shenjat e rrugës. Po, sinjalistika rrugore mund të mos ketë qenë e përshtatshme, por nuk ka asnjë lidhje shkakësore midis aksidentit dhe sinjalistikës së dobët rrugore. Shoferi duhet të jetë më i kujdesshëm dhe të lëvizë me shpejtësi të përshtatur”, tha Sarafov.
Sipas tij, mendimi i ekspertëve është se shkak i aksidentit ndoshta është gabimi njerëzor.Nga hetimet e deritanishme rezulton se autobusi për një arsye ende të panjohur është kthyer djathtas dhe ka goditur gardhin mbrojtës që ndan zonën e pushimit nga autostrada. Përplasja ka bërë që rezervuari i karburantit të shpërthejë, ka rënë zjarr dhe mjeti ka ngecur mes rrethojave mbrojtëse që ndajnë dy korsitë e autostradës.
Nga këqyrja e Ministrisë Bullgare të Zhvillimit Rajonal dhe Punëve Publike në vendngjarje rezultoi se trotuari është në gjendje të shkëlqyer, por shenja është e konsumuar dhe urdhri i pranverës për rinovimin e tij nuk është përmbushur.
