Din Lajçi, është pejani i cili qëndroi në zonën e lu*ftës në Kiev të Ukrainës për 28 ditë. Lajçi thotë se në Ukrainë shkoi me një koleg amerikan me të cilin punonte së bashku në një kompani në Gjermani, por i cili duhej të shkonte në një zonë lu*fte për tu ngritur në detyrë në ushtri. E Lajçi pranoi ta shoqërojë si vozitës. Ai, punë kishte bartjen e civilëve ukrainas nga zona e lu*ftës në Kiev për në zona neutrale.
“Rreth 4 mijë deri në 6 mijë persona kanë qenë të moshës 6 vjeç deri në 12 vjeç… Nga 12 mijë njerëz sa kam bartur, prej tyre kanë qenë vetëm 50 burra”, tha ai.
Gjendjen e lu*ftës në Ukrainë, nuk e përshkruan si mediat, Lajçi thotë se është shumë më keq, ku sipas tij civilë të vr*arë ka shumë të cilët edhe vetë i ka va*rrosur.
“E kemi hap me bager një gropë 120 metra të gjatë e dy metra të thellë, bashkë me familjarë e ushtarë kemi vendosë në qese të zeza të mbeturinave, njerëz të vdekur e i kemi mbuluar me dhe”, tregon ai. Lajçi thotë se ndihmën ukrainasve ua ofroi vullnetarisht, për t’iu treguar atyre se kosovarët ju ndihmojnë në lu*ftë, e jo siç bënë ata, të kundërtën.
