Pasi ministri i Drejtësisë Bekim Sali dje tha se kërkesat e mjekëve privatë nuk janë të pranueshme, nga e hëna ata nisin protestë. Ata nuk do të punojnë me pacientët për tre ditë, por do të jenë në vendet e tyre të punës dhe do të marrin vetëm raste urgjente. Ata thonë se ajo që kërkojnë është thelbësore për mbijetesën e mjekëve privatë.
“Ajo që kërkojmë është thelbësore edhe për mjekët privatë në shëndetësinë parësore dhe dytësore. Nga viti 2018 nuk është rritur kapitimi (kuotën financiare), as buxheti për laboratorët, specialistët, mjekët rural. Sa për ilustrim, kemi 30 vjet që paguajmë energji elektrike industriale dhe dihet se cili është çmimi i saj këtë vit dhe plus është paralajmëruar dimër i vështirë energjetik. Që nga muaji shkurt, kur u mbajt protesta jonë, asgjë konkrete nuk ka ndodhur as në Ministri, as në Fondin e Sigurimeve Shëndetësore (FSSh). Kemi ofruar edhe zgjidhje, por deri më tani nuk ka lëvizur asgjë, përveç se po ndryshojnë ministrat dhe drejtorët e FSSh-së”, thotë dr.Lili Çolakova-Dervishova, kryetare e Shoqatës së Mjekëve Privatë (ShMP).
Ata kërkojnë ndryshim të dispozitave ligjore që pacientët të jenë të lidhur me institucionet shëndetësore private, regjim të shënimit të ilçeve.
“Mjekët rural janë në kufijtë e ekzistencës. A mund të mbijetojnë me 75 mijë denarë? Disa duhet të udhëtojnë nga Velesi në Gradsko, Lozovë, nga Prilepi në Samokovë dhe Makedonski Brod. Këto klinika janë para mbylljes. Ku do të shkojnë qytetarët kur të mbeten pa mjekë”, pyet Çolakova-Dervishova.
Ministri i Shëndetësisë Bekim Sali thotë se ka gjashtë muaj që po diskutohet për gjetjen e zgjidhjeve, por edhe se ndryshimet nuk bëhen në afat të shkurtër apo nën presion. Ai nuk e përkrah grevën e paralajmëruar, pasi siç thotë nuk mund të bojkotohet puna përmes pacientëve.
Situata e keqe me mjekët në shëndetësinë private ka bërë që në pesë vitet e fundit numri i mjekëve të bjerë nga 1800 në 1436. Ata përkujtuan se në shëndetësinë publike pagat janë ngritur disa herë, ndërsa kapitimi i tyre është 63 denarë, me vlerë që nga viti 2018.
Mjekët amë në periudhën e fundit kanë mbajtur dy protesta të tilla paqësore, por kanë qenë në ordinancën e tyre, ku nuk kanë pritur pacientë. Por vlerësojnë se nuk ka rezultat.
