Rita Ora dhe partneri i saj, Taika Waititi përfliten prej kohësh se kanë planifikuar martesën, por mesa duket ata i kanë thënë “Po” njëri-tjetrit në fshehtësi të plotë.
Regjisori nga Zelanda e Re është fotografuar me një unazë në gisht. Ka qenë motra e Ritës, Elena, e cila ka ndarë një foto të Taikas, ku bie në sy unaza.
Miq pranë dyshes konfirmuan se ata duan të mbajnë një ceremoni të madhe në Londër këtë vit.
Në gusht, u përfol se ata po ndiheshin mirë me marrëdhënien e tyre sa kanë filluar të diskutonin martesën, tha një burim për New Idea.
“Taika e quan Ritën “grua” gjatë gjithë kohës dhe bisedon se si ai do të jetë bashkëshorti i saj i parë dhe i fundit,” tha burimi.
