Nga Qendra për Menaxhim me Kriza thonë se në bashkëpunim me institucionet e tjera po ndërmarrin hapat e nevojshëm për parandalim të përmbytjeve në rast se reshjet e shiut gjatë ditëve në vazhdim janë më të dendura. Drejtori i Qendrës për Menaxhim me Kriza, Stojançe Angellov, tha se në periudhën e ardhshme mund të rriten nivelet e lumenjve, përrenjve dhe liqeneve, andaj apelon deri tek qytetarët që të lëvizin me kujdes në këto terrene.
“Në disa kanale terciale që kalojnë nëpër zonat urbane dhe jo urbane, gjendja është shumë e rëndë. Të njëjtat janë të bllokuara dhe nuk do të mund të përballonin sasinë e ujit në rast të reshjeve më të bollshme. Andaj apelojmë deri tek institucionet kompetente që të vazhdojnë edhe në periudhën e ardhshme me pastrimin e këtyre kanaleve që të mos befasohemi. 06:22: Kjo nuk do të thotë se patjetër do të ndodhin vërshime, megjithatë muaji nëntor është muaj karakteristik, sepse shumica e vërshimeve tek ne kanë ndodhur në këtë muaj.”- deklaroi Stojançe Angelov- drejtor I Qendrës së Menaxhimit te Krizave.
Sipas parashikimeve të Entit Për Punë Hidrometeorologjike mot me lagështi dhe vranësira do të kemi edhe gjatë ditëve në vazhdim.
Enti për Punë Hidrometeorologjike
“Nën ndikimin e masës së lagësht ajrore në ditët në vijim moti do të jetë i vrenjtur dhe i ftohtë me shi. Reshjet e shiut herë pas here do të jenë më të dendura, në vende me karakter të rrëmbyeshëm dhe të shoqëruara me erëra të forta. Në Shkup me vranësira me reshje shiu të herëpashershëm dhe drejtim të dobët verilindor. Temperatura minimale do të jetë 11, dhe ajo maksimale do të arrijë 13 gradë.”
Edhe pse jemi në fillim të muajit tetor, në vendin tonë janë regjistruar edhe reshjet e para të borës. Reshje bore ka në Pelister, ndërsa gjatë mbrëmjes, pritet të bjerë borë në Kodrën e Diellit dhe në majat e Bistrës, dhe nuk përjashtohet mundësia që reshje të lehta bore të ketë edhe në majë të Vodnos.
