Pas publikimit të njoftimeve nga Kryetari i komunës së Tetovës se janë kryer disa punime në fshatra, kanë reaguar këshilltarët e Bashkimit Demokratik për Integrim. Këta të fundit kanë thënë se e përshëndesin punën që Kryetari i Komunës e bën në drejtim të përfundimit të projekteve që mbajnë vulën e Bashkimit Demokratik për Integrim.
“I bëjmë thirrje Kryetarit, që në mungesë të kuadrove, ne mund t’i ofrojmë edhe ndihmë shtesë për përpilimin e projekteve të cilat i ka premtuar, por nuk po i realizon dot, kanë shkruar tutje në reagimin e tyre këshilltarët e BDI-së. Ata gjithashtu shtuan se për të njejtat projekte mund të sigurojnë fakte se të gjitha këto projekte me të cilat Kryetari i Tetovës Bilall Kasami, mburret para qytetarëve, të cilat janë projektuar, menaxhuar, miratuar në Këshill Komunal dhe janë buxhetuar nga udhëheqësia e Bashkimit Demokratik për Integrim.
Reagimi i plotë i tyre:
Të dashur bashkëqytetarë,
Ne e përshëndesim punën që Kryetari i Komunës e bën në drejtim të përfundimit të projekteve që mbajnë vulën e Bashkimit Demokratik për Integrim dhe në të njejtën kohë e inkurajojmë që viteve në vazhdim të gjejë ekipë profesionale për të krijuar të paktën një projekt të vetëm.
I bëjmë thirrje Kryetarit, që në mungesë të kuadrove, ne mund t’i ofrojmë edhe ndihmë shtesë për përpilimin e projekteve të cilat i ka premtuar, por nuk po i realizon dot.
Ne mund të ju sigurojmë fakte se të gjitha këto projekte me të cilat Kryetari mburret para opinionit, janë projektuar, menaxhuar, miratuar në Këshill Komunal dhe janë buxhetuar nga udhëheqësia e Bashkimit Demokratik për Integrim!
Me respekt
Këshilltarët e Bashkimit Demokratik për Integrim.
