Radhë të gjata ë pikën kufitare Tabanoc. Autobusët me mërgimtarë presin nga 3 deri në 5 orë.
Radhë të gjata deri në 2 kilometra dhe pritje deri në 5 orë për momentin po durojnë udhëtarë nga shtete të ndryshme të evropës që kthehen në vendlindje.
Mërgimtarët të revoltuar dërguan fotografi dhe video deri në redaksinë e Alsat.
Në to duken radhë të gjatë të autobusëve dhe automjeteve.
Qytetari që na dërgoi video thotë se presin disa orë në autobus. Shton se “ka autobusë të cilët kalojnë edhe pa radhë”.
Pritjet e gjata, siç thonë udhëtarët që ndodhen në zonën kufitare kanë filluar që në orët e drekës.
