Gjatë javës së kaluar me automjetet speciale karrotrec janë larguar 200 automjete nga sipërfaqet publike.
“Nga numri i përgjithshëm i automjeteve të parkuara në mënyrë të pa rregullt, 25 janë larguar nga parkingjet zonale, ndërsa 175 automjetet tjera janë larguar me urdhëresë nga policia e trafikut për shkak të shkeljeve të bëra si: parkim në rrugë, në shteg biçikletash, në vendkalim për këmbësorë, në trotuar, në sipërfaqe të gjelbër në kundërshtim me shenjat e trafikut, si dhe pas thirrjes nga pala e tretë”, njoftojnë nga Qyteti i Shkupit.
Kontrollorët e parkingjeve zonale në të njëjtën periudhë sanksionuan gjithsej 357 automjete, për shkak të parkimit të parregullt, më saktë, për mos pagesë të shërbimit për parkim.
Nga këto, 25 automjete u larguan me shërbimin “merimanga” për shkak të tejkalimit të kohës së lejuar për qëndrim në parking.
Qyteti i Shkupit dhe ndërmarrja publike “Parkingu i qytetit” apelojnë te qytetarët që ta ruajnë gjelbërimin dhe sipërfaqet tjera publike, dhe automjetet e tyre t’i parkojnë vetëm në parkingjet e përcaktuara. Gjithashtu, u bëjmë thirrje të gjithë përdoruesve të shërbimeve të parkimit që në kohë ta rregullojnë pagesën e shërbimit të parkimit, në mënyrë që të mos sanksionohen dhe të mos u vendosen bllokatorë në gomat e automjetit. Pagesa për shërbimin e parkimit mund të bëhet përmes SMS porosisë.
