Qendrat tregtare në Maqedoninë e Veriut kanë shprehur re*voltë ndaj vendimit të fundit Qeverisë, për të vendosur masa të reja për parandalimin e coronavirusit, gjegjësisht hyrjen e personave të pavaksinuar në qendrat tregtare.
Në njoftimin e përbashkët për media, qendrat tregtare thonë se ata i kanë respektuar në maksimum masat për mbrojtje nga COVID-19 dhe se ata nuk janë vende në të cilat përhapet virusi.
“Nëse i marrim parasysh të gjitha këto, le të shprehim revoltën tonë të sinqertë, sepse qendrat tregtare nuk mund të fajësohen për nivelin e ulët të vaksinimit, nga njëra anë, dhe agresivitetin masiv të variantit delta dhe numrin në rritje të të in*fektuarve, nga ana tjetër. Në situatën kur pikërisht qendrat tregtare ap*eluan për fushatë për të rritur ndërgjegjësimin publik rreth vaksinimit, kishte organizim të festave familjare, thirrje për koncerte, festivale dhe hyrje të shtetasve të huaj pa dëshmi për vaksinim dhe pa test PCR”.
“Nëse Qeveria e RMV beson se kufizimet në qendrat tregtare janë mënyra e duhur dhe më e mirë për të motivuar qytetarët për vaksinim, dhe një vendim i tillë është menduar, shpallur dhe ndërtuar me analiza dhe përgatitje, atëherë ne me kënaqësi do ta mbështesim atë vendim në emër të një mënyre për të dalë nga kr*iza. Por jo në këtë rast. Ne, dhe vetëm ne, qendrat tregtare, nuk mund të jemi përgjegjës për shkallën e ulët të vaksinit”, thuhet në reagimin e qendrave tregtare.
Më tej shtojnë se në vendet evropiane nuk ka kufizime për hyrje në qendrat tregtare.
“Gjendemi në një situatë krejtësisht të ndryshme, të padëshirueshme. Ndihemi të ndëshkuar, dhe realiteti është se qendrat tregtare janë pothuajse bosh. Kostot dhe humbjet tona po rriten dita ditës, dhe numri i të vaksinuarve fatkeqësisht po rritet me ritëm të vogël”.
“Prandaj, ju kërkojmë një qasje tjetër, ku do të përpiqeni të kuptoni qytetarët, të përpiqeni të kuptoni se çfarë fshihet pas normave të ulëta të vaksinimit në vend dhe të përpiqeni të gjeni zgjidhje tjetër, më efektive, e cila do të ketë ndikim më të madh dhe do t’i inkurajojë qytetarët të ndryshojnë qëndrim. Në vend që të vendosin kufizime për njerëzit, vendimet e qeverisë duhet të motivojnë qytetarët dhe të gjejnë zgjidhje për këtë problem”, thuhet në reagim.
