Gazeta “Blick” ka shkruar një artikull lidhur me pijen energjike të Markus Brun nga Lucerni, i cili ka dashur ta pushtojë tregun me pijen e tij me shqiponjën dykrenare. Ai ka mundur ta shesë produktin e tij në shumë filiale të Spar. Tani, Spar e ka hequr përsëri pijen energjike me shqiponjën dykrenare nga rafti i shitjes.
Kujtojmë se kur Xherdan Shaqiri, Granit Xhaka dhe Stephan Lichtsteiner e formuan shqiponjën dykrenare në Kupën e Botës në Rusi kundër Serbisë më 22 qershor 2018, Markus Brun nga Lucerni ishte mahnitur para televizorit. “Është njësoj sikur të kesh fituar lotari!”, brohoriti ai në atë kohë. Arsyeja për gëzimin e tij të madh ishte sepse Brun kishte të mbrojtur logon me shqiponjën dykrenare dhe markën “Shqip King” më 21 prill 2018. Pra, dy muaj para ndeshjes historike të Kupës së Botës.
“E pabesueshme, unë isha me të vërtetë me fat”, kishte thënë gjatë një iterviste për “Blick”. Blick shkruan se gjithë gëzimi i tij si duket ka dalë zhgënjyes për të, për shkak se shumë festivale që u anuluan nga koronavirusi dhe baret e skenave që u mbyllën për muaj të tërë, shitjet ranë. Aq më i madh ishte gëzimi që ai ishte në gjendje të shiste kanaçet e tij në 25 filiale të Spar. Në rajonet e Lucernit, St.Gallen dhe Cyrihut.
Zviceranët duket se nuk e pelqejnë këtë produkt, për shkak të logos së saj, shqiponjën me dy krerë. Sipas një raporti në selinë e Spar, disa klientë kanë shkruar se kjo pije që mban Spar është simbolikë delikate. Me gjithë këtë, grupi Spar mori vendimin për të ndërprerë menjëherë produktin me këtë logo të ndjeshme dhe të hiqet nga të gjitha tregjet. «Unë jam shumë i zhgënjyer sepse isha në kontakt me Spar për të renditur pijet energjike në gjithë Zvicrën. Pastaj papritmas nga askund erdhi refuzimi. Unë absolutisht nuk mund ta kuptoj atë”, thotë Markus Brun për Blick.
Nga ana tjetër, shqiptari Përparim Avdili, deputet në Parlamentin e Cyrihut, që përfaqëson Partinë Liberale (FDP), ka reaguar nga ky vendim i Spar, duke shkruar se ky është një vendim jo i drejtë dhe pikërisht ata janë duke devijuar këtë negativitet:
“I dashur Spar.
Është, sigurisht, e drejta juaja e lirisë ekonomike për të mos shitur një produkt. Por çfarë saktësisht iu desh blerësve tuaj për të bërë një simbolizëm kaq të padëmshëm në argumente të tilla absurde? Me këtë, ju jeni duke devijuar këtë negativitet, duke vepruar kështu, ju fillimisht ndezni këtë negativitet, nga i cili me sa duket dëshironi të mbroni veten. Rrallë kam lexuar një marrëzirë të tillë”.
Debati i dyfishtë i shqiponjës u diskutua gjerësisht në Kupën e Botës, një interpretim i tillë as që doli për diskutim në atë kohë. Apo çfarë mund të themi për yjet botërore, si Rita Ora dhe Dua Lipa, kur e bëjnë këtë shfaqje duarsh?
