Arsim Sinani, drejtues i Qendrës për studime ndërkombëtare dhe hulumtime ballkanike, thotë se regjistrimi i popullsisë në Maqedoninë e Veriut mbetet peng i frikës nga numri i shqiptarëve.
“Përplasjet mes partive maqedonase lidhur me regjistrimin nuk janë çështje e parimeve, por janë çështje të diskriminimit, përkatësisht se cila do të arrijë të diskreditojë më shumë palën tjetër, këtu mendoj palën shqiptare, që të mund të regjistrohet. Mendoj se pa u reformuar Lidhja Social Demokrate e Maqedonisë dhe VMRO-DPMNE-ja dhe një herë e përgjithmonë ta heqin nga koka se shqiptarët janë aq apo kaq e se mund t’ua rrezikojnë këto numra (përbërja e shqiptarëve) do të kisha thënë në thonjëza ‘të ardhmen e tyre’, mendoj se shumë vështirë do të mund të ecet përpara”, thotë Sinani.
