Në botën e automobilizmit, herë pas here shfaqen çudira të ndryshme. Dhe ndërsa automjetet bëhen më komplekse dhe më dixhitale, ato gjithashtu fitojnë veçori të reja.
– Advertisements –
Një nga këto veçori iu shfaq një pronari të një BMW i4 elektrike. Clare Eliza kur u përpoq të bënte një përmirësim të jashtëm në makinën e saj mori një mesazh të papritur.
Konkretisht, në ekranin e makinës së saj u shfaq paralajmërimi i mëposhtëm: “Terreni është shumë i pjerrët për të filluar instalimin e përmirësimit . Ju lutem parkoni makinën në tokë të sheshtë”.
Ky mesazh i çuditshëm fillimisht ngre shumë pyetje. Si është e mundur që një makinë të kuptojë se jeni në një rrugë të pjerrët? Dhe pse kur një makinë është në një përpjetë nuk mund të marrë të dhënat e një përditësimi?
Sipas një përfaqësuesi të BMW, makina ka dhjetëra sensorë në mënyrë që të mund të zbulojë nëse është në tokë të pjerrët.
Dhe ai argumentoi se arsyeja që sistemi ‘over-the-air’ refuzon të përditësohet është se ai konsideron se ekziston edhe mundësia më e vogël që automjeti të lëvizë, gjë që nuk lejohet përderisa ky proces zgjat.
Përditësimet e këtij lloji nuk duhet të ndërpriten për asnjë arsye, ndaj sistemi ka si masë sigurie ndalimin e mundësisë së përditësimit në të përpjetat ku makina mund të lëvizë për disa metra për shkak të pakujdesisë së drejtuesit.
Sigurisht, ky rast është ekstrem dhe mund të mos ndodhë kurrë. Por për të siguruar që BMW-ja të mos ketë aventura ligjore me klientët e saj, është kujdesur që këtë parametër ta përfshijë në funksionimin e sistemit.
Pra, ata që kanë BMW-të moderne dhe përditësime në ajër do të duhet të gjejnë një terren të sheshtë për të parkuar makinat e tyre derisa të përfundojë procesi.
