Partia Socialdemokrate ka marrë vendim që s’do të marrin pjesë në zgjedhjet lokale që do të mbahen më 17 tetor të këtij viti.
Kështu është bërë i ditur lajmi nga vetë partia e udhëhequr nga Dardan Molliqaj, nëpërmjet një postimi në Facebook.
Tutje, është thënë se “ky vendim nuk vjen sepse kemi bërë ndonjë hierarki prioritetesh ku zgjedhjet lokale nuk janë në fillim”.
“Ne jemi të bindur se edhe këto zgjedhje, sikur zgjedhjet parlametare janë kornizim i luftës politike që s’do ta pranojmë. Numri, ligji dhe forca janë termat që i vizaton pushteti. Pozita jonë është jashtë tyre, si botëkuptim dhe si praktikë.”
“Njëkohësisht, sot i kemi deleguar, Grupit Punues të Kamenicës dhe Kryetarit Kastrati vendimin për pjesëmarrjen eventuale në Komunën e Kamenicës. Secili vlerësim i tyrë, është i pranueshëm për ne.”
