Anëtarë të Shoqatës së Mjekëve Privatë të Republikës së Maqedonisë (SHMPRM) prej sot filluan protestën treditore në të cilën do jenë në ditët e punës dhe do të pranojnë vetëm raste urgjente, por nuk do të japin receta dhe udhëzime. Kërkesë kryesore e mjekëve amë është rritja e pikëve të kapitacionit për shkak të rritjes së shpenzimeve për jetë.
Bordi Drejtues i SHMPRM më 27 gusht solli vendim që më 5,6 dhe 7 shtator të mbahet protestë në vendin e punës – për shkak, siç thonë në publikimin në ueb-faqen e Shoqatës, mospranimin e kërkesave strategjike nga autoritetet shëndetësore.
Ministri i Shëndetësisë, Bekim Sali në vigjilje të protestës javën e kaluar deklaroi se pakënaqësitë të cilat ekzistojnë në mesin e mjekëve amë duhet të zgjidhen në tavolinë dhe me propozime konkrete të cilat do të shqyrtohen dhe diskutohen, e jo përmes bojkotimit të punës.
