Nën moton “Ta shpëtojmë Mavrovën”, banorë dhe pronarë të bizneseve në Mavrovë protestuan sot duke kërkuar që të vendoset në moratorium për disa vite. Thonë se Mavrova është duke u betonizuar dhe se për katër vite në këtë lokacion janë ndërtuar mbi 500 objekte të reja që dëmtojnë si Parkun Nacional po ashtu edhe Liqenin e Mavrovës.
“Kohëve të fundit problemi është se nuk ka shumë borë, prerja e malit në hapësirë të madhe, rezervatet nëntokësore më nuk kanë ujë që të rigjenerohen u duhet më shumë kohë të këtë më shumë borë këtu dhe e gjithë kjo e sjell në një situatë alarmante ku unë personalisht mendoj se vetëm një kohë duhet të ketë moratorium të bëhet për një kohë edhe kjo është shpëtimi i vetëm ose Mavrova do të vijë në kolaps ku pastaj askush nuk do të mund që ta zgjidhë. Ky është park nacional, ky betonizim, patjetër duhet që ta ndalim këtë krim, këta banditë të ndërtimit që duan ta rëndojnë Mavrovën”, tha Vlado Lazarevski, kryetar i Bashkësisë Lokale .
Organizatorja e protestës thotë se ky është vetë një hap për të informuar për gjendjen. Paralajmëron edhe masa të tjera nëse autoritete nuk ndërmarrin ndonjë gjë.
“Protesta e sotme “Ta shpëtojmë Mavrovën” është për të informuar opinionin për gjendjen katastrofale të këtij rajoni dhe një paralajmërimin për institucionet përgjegjëse për të marrë masa urgjente për problemin për gjetjen e zgjidhjes urgjentet të ndërtimeve pa leje, betonizimin dhe shitjen e tokës shtetërore dhe pasurive natyrore nacionale solli deri tek vetëm organizimi i pronarëve të vikend-shtëpizave, hoteleve dhe banorëve lokal”, pohoi Verica Iliq, organizatore e protestës.
Për hotelierët e zonës, kjo që po ndodh është shkatërrim për turizmin. Druajnë se nëse nuk merren masa urgjente askush më nuk do të vijë për kafe apo për drekë në një ambient të ndotur dhe liqenin që është duke u mbush me ujëra të zeza.
“Të ruajmë natyrën e bukur të Mavrovës pasi ajo është pasioni, në restorante dhe hotele të mos lejomë të që ndotet “Mavrovska Naumovska” dhe me atë edhe perla jonë – Liqeni i Mavrovës, më besoni askush nuk do të pijë kafe të hajë ushqim ose të ulet përgjatë lumit të ndotur, askush nuk do të zë peshk ose të shëtisë me anije në liqenin e mbushur me fekale. Kolegë investoni në sistemet filtruese më besoni përfitimi është më i madh se investimi”, theksoi Vllatko Tomosvski, hotelier.
Mavrova është shpallur Park Nacional ku përpos pasurive natyrore, ky vend ka edhe një ski qendër dhe liqenin artificial që e ka shndërruar zonën në një nga vendet më të preferuara turistike si gjatë dimrit po ashtu edhe gjatë verës.
