Më 27 nëntor 2024, në gjimnazin “Zef Lush Marku” në Shkup, u promovua libri i dytë i nxënëses Blerona Ismaili, Anija tejoqeanike e dijes. Blerona, nxënëse e vitit së dytë në drejtimin e Matematikës dhe Shkencave Natyrore, u nderua për këtë arritje gjatë një ceremonie në festën e flamurit.
Në këtë ngjarje morën pjesë edhe motra e saj, Lara, nxënëse e klasës së shtatë në shkollën “Petar Zdravkovski-Penko”, e cila gjithashtu ka botuar librin e saj të dytë me poezi në anglisht, dhe vëllai Aniku, nxënës i klasës së pestë, me librin e tij të parë me poezi.
Blerona u shpërblye me dy pllaketa për suksesin në mësime dhe krijimtari, ndërsa motra dhe vëllai i saj u nderuan gjithashtu për arritjet e tyre. Ata dhuruan kopje të librave të tyre dhe bënë që prindërit të ndihen shumë krenarë.
Shkolla “Zef Lush Marku” krenohet me këta nxënës të talentuar, që kanë treguar përpjekje dhe pasion për letërsinë. Sukseset e Bleronës, Larës dhe Anikut janë një frymëzim për të gjithë dhe u dëshirojmë atyre suksese të mëtejshme në të ardhmen.
