Prokuroria Publike në Shkup lëshoi një urdhër për të kryer një procedurë hetimore kundër tetë personave për të cilët ekziston dyshimi i arsyeshëm se ata kanë kryer një krim si bashkë pjesëmarrës- duke rrezikuar sigurinë e trafikut ajror sipas nenit 303 paragrafi 2 në lidhje me pikën 22 të Kodit Penal.
Më 4 janar, të dyshuarit, në bashkëpunim, kryen një krim që rrezikoi sigurinë e Aeroportit Ndërkombëtar në Shkup, në mënyrë të paligjshme dhe me qëllim të kryerjes së një krimi, duke dhunuar disa persona veprim ky që, pengoi shërbimet në aeroport.
Me veprimet e tyre, ata kërcënuan sigurinë e trafikut ajror ndërkombëtar në një kohë kur 28 fluturime nën kontrollin e M-NAV po zhvilloheshin në hapësirën ajrore mbi vendin, kështu që ata dyshohet se kanë kryer një krim të dënueshëm me të paktën pesë vjet ne burg.
Prokurori publik, duke vlerësuar se në rastin specifik ekziston rreziku i arratisjes, mundësia e të dyshuarve që ndikojnë në procedurën ose përsëritjen e krimit, i paraqiti gjykatësit të procedurës paraprake nga Gjykata Themelore Penale në Shkup një propozim për caktimin e masës së paraburgimit për katër të dyshuarit të cilëve u është hequr liria, ndërsa për katër të tjerët është në kërkim.
