Pritje të gjata dhe kolona kilometrike të automjeteve janë parë sot në orët e pasdites në kufirin Maqedoni-Kosovë.
Qytetarët që janë nisur rrugës drejt Kosovës janë duke pritur gjatë sikurse edhe në disa nga pikat tjera kufitare të Kosovës.
Disa qytetarë që kanë marrë rrugën drejt Kosovës, thanë për Telegrafin se po presin gatë për të kaluar kufirin e Maqedonisë së Veriut.
Telegrafi mëson se nga pala e Maqedonisë së Veriut janë duke përditësuar disa softuerë në pikat doganore që lidhen me emrin e ri të shtetit fqinj të Kosovës.
Në bazë të të dhënave zyrtare nga Maqedonia e Veriut thuhet se pritjet për hyrje dalje nga ky vend shkojnë nga 30-40 minuta, derisa nga MPB e Kosovës të dhënat zyrtare të orës 16:00 nuk flasin për ndonjë pritje të gjatë apo kolona në kufi.
Më poshtë Telegrafi u sjellë disa pamje të orës 16:30, ku tregohet për kolona kilometrike.
