Princi Charles i Uellsit është konfirmuar si i infektuar me koronavirus. Sidoqoftë, bashkëshortja e tij, Camilla, nuk është infektuar.
Raportohet se princi 71-vjeçar është vendosur në izolim në Kështjellën “Balmoral” në Skoci.
Një zëdhënës tha: “Princi i Uellsit ka dalë pozitiv në testin për koronavirus. Ai ka shfaqur simptoma të lehta, por është në gjendje të mirë shëndetësore dhe ka punuar nga shtëpia.”
“Dukesha e Conrëall-it gjithashtu është testuar, por nuk e ka virusin. Në përputhje me këshillat e qeverisë dhe të mjekëve, princi dhe dukesha janë izoluar në shtëpinë e tyre në Skoci”, shtoi zëdhënësi.
Ai tha se është e pamundur të thuhet se nga kush është infektuar princi për shkak të numrit të madh të tubimeve publike në të cilat ai ka marrë pjesë javëve të fundit, shkruan “Daily Mail”.
Ndryshe, princi Charles më parë e ka vizituar Kosovën dhe njihet për përkrahjen që ia ka dhënë popullit të saj.
