Daut Haradinaj i cili në zgjedhjet lokale që do të mbahen në vjeshtën e këtij viti do të jetë kandidat i AAK-së për kryetar të Prishtinës, ka nisur me premtimet e para.
Premtimi i parë i Haradinajt ka qenë se do t’i ndihmojë me 500 euro nënat që lindin në komunën e Prishtinës.
Ai ka thënë se lehonat në qeverisjen e tij do të shpërblehen me nga 500 euro.
Këtë deklaratë Haradinaj e bëri në emisionin DPT te Fidani në T7.
Lajmin për kandidaturën e Daut Haradinajt e kishte bërë të ditur kryetari i AAK-së, Ramush Haradinaj.
“Me këtë Aleanca e konfirmon respektin për kryeqytetin, të cilin e bëri me ligj, ia ktheu Pallatin e Rinisë, e përkrahu me buxhet e projekte të shumta zhvillimore. Aleanca konfirmon po ashtu, respektin për qytetarin dhe qeverisjen komunale, si dhe vendosmërinë për të fituar.”, shkroi Haradinaj në Facebook.
Sipas tij, qeverisja në nivel komunal, është veprimi më i afërt për të përmirësuar jetën e qytetarëve.
Ndryshe, Daut Haradinaj më 15 mars ka hequr dorë nga mandati i deputetit
