Çifteve në Tajlandë u është kërkuar të mbajnë maska për fytyrën gjatë marrëdhënieve intime pas rritjes së infeksioneve me Covid për të cilat autoritetet frikësohen se mund të përkeqësohen në prag të Ditës së Shën Valentinit. Numrat ditor të rasteve në qendrën turistike të Azisë Juglindore janë rritur nga rreth 8,000 në fillim të muajit në dyfishim të tyre dy javët e fundit. Autoritetet shëndetësore tajlandeze kanë shprehur shqetësime se 14 shkurti mund të përkeqësojë trendin, pasi dita vjetore e dashurisë është jashtëzakonisht e popullarizuar në vend. Drejtori i Byrosë së Shëndetit Riprodhues Bunyarit Sukrat tha:
Covid nuk është një sëmundje seksualisht e transmetueshme, por infektimi me Covid është i mundur përmes frymëmarrjes me kontakt të ngushtë dhe shkëmbimit të pështymës.
Ai rekomandoi që çiftet të bënin teste të antigjenit përpara natës së takimit për të parandaluar kalimin e virusit te partneri i tyre.
