Nga Ministria e Punëve të Brendshme njoftojnë se në periudhën nga 10.02.2022-deri 13.02.2022 janë kryer patrullime shtesë në Liqenin e Ohrit, me qëllim mbrojtjen e fondit të peshqve, kapjen e personave që kalojnë ilegalisht kufirin dhe evidentimin e veprave tjera penale.
“Si rezultat i masave dhe aktiviteteve të marra, nga ujërat e liqenit janë gjetur dhe nxjerrë 8 rrjeta peshkimi, me përmasa të ndryshme, me gjatësi totale të rreth 1000 metrave. Rrjetat e gjetura dhe të ko*nfiskuara i janë dorëzuar Stacionit Policor për Vëzhgim Kufitar në Liqenin e Ohrit”, thuhet mes tjerash në njoftimin e MPB-së.
