Sot në Brezovicë ka rënë një ortek i madh i borës.
Syri.net Kosova ka kontaktuar me Policinë e Kosovës në rajonin e Ferizajt, për të marrë informacione rreth këtij orteku.
Kanun Veseli, rreshter në këtë rajon, i tha Syrit se deri më tani nuk kanë informacione nëse ka të lënduar, por, në bazë të dëshmitarëve, në zonën ku ka ra orteku, s’ka pas njerëz.
“Informacione nuk ka nëse ka pasur të lënduar, mirëpo, sipas dëshmitarëve në pjesën ku ka rënë orteku s’ka qenë asnjë person. Megjithatë, Policia e Kosovës dhe pjesëtarë të kërkimshëptimit nga FSK po i bëjnë kontrollet e duhura, për t’u siguruar nëse ka apo nuk ka persona të lënduar” tha Veseli.
