Një faturë e një klienti në restorantin e kuzhinierit të njohur, Nusret, është përhapur shumë në rrjete sociale. Vlera e saj është mbi 1.800 funte, ndërsa bien në sy edhe çmimet e larta të pijeve.
Por, në faturë ka marrë vëmendje edhe një pije, vlera e së cilës është zero. Bëhet fjalë për çajin turk.
Nuk dihet nëse ky çaj shërbehet falas apo ka ndonjë gabim në faturë.
Ndryshe, përpos çmimeve të larta për secilën pjesë të ushqimit e pijeve, në faturë figuron edhe shuma prej 236.4 funtesh si tarifë për shërbim.
Në faturë vërehet se një pije Coca-Cola ka kushtuar nëntë funte, ndërsa katër pije energjike, RedBull, kanë kushtuar gjithsej 44 funte, që i bie se një kushton 11 funte ose rreth 12.8 euro.
Postimi në Twitter ka marrë gati 10.000 pëlqime, ndërsa shumë komentues kanë pranuar se janë tmerruar nga çmimet shumë të larta në menu.
Në faturë shihet se një hamburger, i quajtur “burg i artë”, kushton hiç më pak se 100 funte.
Një komentues shkroi: “Shpresoj që pjesën tjetër të lopës ta kanë dhënë në qese! 630 funte për një biftek!”
