Pas serisë së shkrimeve në SAKAMDAKAZAM.MK për krimin masiv me kredi të shpejta nga kompanitë financiare, në të cilin pësuan shumë qytetarë të pafajshëm, të cilëve u janë vjedhur të dhënat personale, Prokuroria Publike e Shkupit aktivizoi hetimin, i cili filloi në vitin 2021.
Sipas urdhrit të prokurorit nga Prokuroria Themelore Publike Shkup, MPB Shkup, Byroja për Siguri Publike dhe Njësiti për Krime Ekonomike dhe Kompjuterike, nga 6 vende kanë marrë gjurmë, emra dhe adresat e mashtruesve, të cilët vodhen kartat e identitetit ose të dhëna personale nga kartat e identitetit të të tjerëve, dhe moren kredi në emër të viktimave.
“Vendimi i prokurorit publik është në proces. Jemi duke punuar në disa raste në një rast të madh, hetimi është i fshehtë”, është përgjigja e shkurtër që morëm nga Prokuroria Publike e Shkupit.
Prokuroria megjithatë përgjigje të plotë me informacione dhe prova për rrjedhën e hetimeve i dha Avokatit të Popullit, pasi ai e ka për detyrë ligjore. Këto raste janë bërë të ditura në SDK.MK pikërisht nga Avokati i Popullit, i cili nuk ka mbetur i kënaqur me përgjigjet e mëparshme të MPB-së dhe veçanërisht nga Ministria e Financave, e cila duke mos kontrolluar punën e këtyre kompanive ka lejuar këtë vepër penale me kreditë e shpejta për të marrë përmasa masive.
Viktimat e mashtrimit me kredi të shpejta paraqesin ankesa tek Avokati i Popullit. Disa prej tyre nga frika e përmbaruesve dhe padive në gjykatë i kthejnë kreditë.
Kjo është një skemë e zhvilluar mirë, në të cilën, siç thekson MPB, janë të përfshira edhe kompanitë financiare. Ata miratojnë kredi të shpejta të paparë, pa prani fizike për të verifikuar foton dhe të dhënat nga karta e identitetit, vetëm duke telefonuar ose duke marrë një e-mail nga aplikanti.
Me kërkesë të aplikantit, në vend të një llogarie transaksioni, shoqëria financiare i transferon paratë zakonisht në dyqanet online, të cilat më pas nuk kanë asnjë detyrim të kontrollojnë se kujt i shesin produktet. Për të fshehur gjurmët e tij, blerësi (mashtruesi) thotë “Nuk kam adresë të përhershme”, lëreni porosinë në rrugë, në këndin e lojërave, në livadh.
Në përgjigjen që morëm nga Ministria e Brendshme, theksohej se në skemë janë përfshirë edhe kompani financiare duke mos kontrolluar dokumentet e identifikimit personal.
“Numri i përgjithshëm i rasteve të raportuara të keqpërdorimit të të dhënave personale dhe veprimeve të kryera të kundërligjshme të kompanive financiare për ne ktedite e shpejta, pa kontrolluar dokumentet për identifikimin personal të aplikantëve për fondet, për periudhën nga data 01.01.2023 deri më 30.07.2023, arrijnë në 65 raste”, thotë Ministria.
