Tensionet midis SHBA dhe Kinës dolën në pah në Asamblenë e Përgjithshme vjetore të KB në Neë York, derisa Presidenti Donald Trump ka fajësuar Kinën për përhapjen e koronavirusit, duke bërë thirrje që Kina të mbahet përgjegjëse për pandeminë.
Ndërsa Presidenti kinez hodhi poshtë këto duke thënë se shteti i tij “nuk kishte ndërmend të hynte në një Luftë të Ftohtë me ndonjë vend”.
Lidhjet midis dy fuqive botërore janë të acaruara në shumë fronte.
Samiti i këtij viti në Nju Jork po mbahet kryesisht virtualisht, me udhëheqës botërorë që mbajnë fjalime të para-regjistruara. “Ne duhet të mbajmë përgjegjësi për kombin që lëshoi këtë plagë në botë – Kina’’, tha ai.
“Në ditët më të hershme të virusit Kina mbylli udhëtimet brenda vendit, ndërsa lejonte fluturimet të largoheshin nga Kina dhe të infektonin botën. Kina dënoi ndalimin tim të udhëtimit në vendin e tyre, edhe pse ata anuluan fluturimet e brendshme dhe mbyllën qytetarët në shtëpitë e tyre,” shtoi ai .
Tensionet janë të larta midis SHBA dhe Kinës për një numër çështjesh të tjera, duke përfshirë tregtinë, teknologjinë, trajtimin e Hong Kongut dhe Kinës ndaj pakicave myslimane në provincën Xinjiang.
Duke folur menjëherë pas udhëheqësit të SH.B.A.-së, Presidenti Xi paralajmëroi për rreziqet e një “përplasjeje të civilizimeve”.
“Ne do të vazhdojmë të ngushtojmë mosmarrëveshjet dhe të zgjidhim mosmarrëveshjet me të tjerët përmes dialogut dhe negociatave’’, tha ai.
