Kryetari i Lëvizjes Besa, njëherit edhe kreu i Tetovës, Bilall Kasami në emisionin ‘Top-News’ në Top Channel, ka folur rreth aktualitetit politik në RMV. Kasami ka komentuar edhe ndasitë brenda BDI-së, ku ka deklaruar se grupe të tilla apo paknaqësi të tilla ka pasur gjithmonë në BDI, por pushteti i tyre i ka zbutur shpesh herë. Ai gjithashtu ka thënë se në BDI nuk ka luftë ideologjike por luftë për poste.
“Lus që kjo mos të bëhet për pushtet por të bëhet për ideologji. E dimë se BDI është gjatë kohë në pushtet dhe lufta e tyre është bërë gjithmonë për pozicione”, ka thënë Kasami. Gjithashtu kreu i Besës ka thënë se bashkimi i forcave opozitare do të çonte BDI-në në opozitë./Monitor.mk
