MPB njofton se me 12 gusht 2024, rreth orës 17:40, në rrugën “Ilindenska” në Gostivar, policia arrestoi dhe ndaloi F.T. (53) dhe K.T. (24), të dy nga fshati Trnovo, Gostivar. Ata dyshohen se rreth orës 17:00, pas një aksidenti automobilistik midis një motoçiklete të drejtuar nga K.T. dhe një automjeti “BMW” me targa gjermane, të drejtuar nga A.I. (44) nga Tetova, me qëndrim të përkohshëm në Republikën Federale të Gjermanisë, kanë sulmuar fizikisht A.I., gruan e tij dhe vajzën e tij. Gjithashtu, ata u përpoqën t’i sulmonin edhe me një objekt të mprehtë, por u ndaluan nga zyrtarët e policisë. Të arrestuarit janë mbajtur në stacionin e policisë dhe pas dokumentimit të plotë të ngjarjes, do të ngrihet një akuzë e duhur.
