Pajisjet e gjurmëve të gishtërinjve që do të përdoren për zgjedhjet lokale do të sjellin kontroll më të mirë dhe siguri më të madhe të procesit zgjedhor, thotë Kryetari i Komisionit Shtetëror Zgjedhor Aleksandar Dashtevski. Ai tha se si vend nuk mund të lejojmë më eksperimente me zgjedhjet. Terminalet e gjurmëve të gishtërinjve do të parandalojnë manipulimet e mundshme në zgjedhje dhe nuk do të hapin dyshime siç kishte në referendum, thotë Dashtevski.
“Kishim shembullin e fundit nga referendumi ku rezultatet e përcaktuara tregojnë se ka pasur votim për 7, për 9 sekonda. Pra, të gjitha ato mangësi do të hiqen dhe mendoj se do të kemi rezultate më të mira, pasqyrë më të mirë të asaj se si qëndrojnë gjërat në të vërtetë. Duhet të jetë kështu sepse po përpiqemi për në NATO dhe BE, nuk duhet t’i lejojmë vetes të bëjmë eksperimente të tilla, të votojmë për disa sekonda …”- deklaroi Aleksandar Dashtevski Kryetar i KSHZ –së.
Terminalet e gjurmëve të gishtërinjve përdoren në rreth 50 vende të botës në ditën e zgjedhjeve. Por kryesisht në vendet më pak të zhvilluara si pjesë e ish republikave sovjetike, vendet e Amerikës së Jugut, pjesë e vendeve afrikane dhe të ngjashme. Sipas Dashtevskit, votimi me gjurmë të gishtërinjve është më i sigurt se votimi online.
“Të dhënat që na jep Ministria e Brendshme janë të koduara dhe askush nuk mund t’i dekodojë, ato do të dekodohen ditën e mbushjes, do të plotësohen në terminale, në ato pajisje dhe do të mbrohen atje. Do të kodohen në mënyrë shtesë dhe ne e blejmë atë shërbim, përveç kësaj, është shërbim më i shtrenjtë sepse kodimi kushton shumë. Kjo është arsyeja pse sulmet e hakerëve ndodhin kudo, nëse nuk ka fonde të mjaftueshme për të blerë mbrojtje të tillë, atëherë mund të depërtojnë”- pohoi Aleksandar Dashtevski- kryetar i KSHZ-së.
Për sa i përket sigurisë, kryetari i KSHZ -së bën thirrje për vaksinim më masiv deri në ditën e zgjedhjeve dhe ndjekjen e protokolleve për hapësirën e brendshme, mbajtjen e maskës, mbajtjen e distancës dhe dezinfektimin e duarve. Lidhur me personat që do ta zbatojnë votimin, Dashtevski thotë se maska dhe dezinfektuese janë siguruar për të gjithë dhe do të bëhet kujdes që të mos krijohen turma vendvotimin.
