Përkeqësohet situata me virusin në Tetovë.Nëntë të vdekur dhe 124 janë në oksigjen
Nëntë persona të vdekur në Tetovë. Ky është bilansi për 24 orët e fundit nga virusi Covid 19 që e bën akoma më shqetësuese situatën.
Nga Spitali i Tetovës apeluan për kujdes maksimal për shkak të infektimeve të shumta nga kjo valë e re e katërt nga virusi vdekjeprurës.
Ata konfirmuan edhe të dhënat e fundit rreth situatës me pandeminë në këtë qytet .Gjithsej në oksigjen janë 124 persona prej tyre ka edhe të vaksinuar me një dozë që janë gjithsejt 13.
Të vaksinuar me dy doza janë tre persona ndërsa janë pranuar 18 të tjerë. Spitali i Tetovës është në gjendje gatishmërie dhe po merr gjithë masat e nevojshme në këtë përballje me virusin.
