Nesër presim njoftimin zyrtar nga selia e NATO-s në Bruksel se Maqedonisë do i jepet ftesë zyrtare në samitin e ardhshëm të Aleancës në Bruksel më 11 dhe 12 korrik, ka thënë sot koordinatori nacional për NATO-n Stevo Pendarovski në seminarin 98 Ros Rot që mbahet në Kuvendin e Maqedonisë.
“Sekretari gjeneral Jens Stoltenberg do e bëjë të ditur atë që shumë qytetarë të Maqedonisë e presin me vite. Ajo do të jetë etapa përfundimtare e asociimit tonë në Aleancë, duke pasur parasysh se Maqedonia kishte një rekord jo të mirë prej 19 herësh nga plani aksionar për anëtarësim në NATO”, ka thënë Pendarovski.
