Kandidati për president të Republikës së Maqedonisë së Veriut, Stevo Pendarovski për “Jutarnji list” tha se është shumë e rëndësishme që presidenti i ardhshëm i Republikës së Maqedonisë së Veriut të fitojë edhe vota të shqiptarëve.
“Kjo ka shumë rëndësi, së pari për shkak bashkësisë së madhe shqiptare në vendin tonë, e cila ka shumë lidhje me Kosovën dhe Shqipërinë, si dhe për shkak bashkëpunimit rajonal,
që është parakusht për integrimin evropian, ndërsa nga tre fqinjët tanë, Bullgaria dhe Greqia janë anëtare të Bashkimit Evropian, ndërsa Serbia është në rrugë”, tha Pendarovski.
“Ne jemi ende larg anëtarësimit të plotë për në BE. Kjo do të jetë për ne sfidë e madhe diplomatike me tempo ofensive që të zbatohen reformat dhe të arrijmë sukses që t’i mbërrijmë Serbinë dhe Malin e Zi, të cilave si afat më të përafërt, u është dhënë viti 2025”, tha Pendarovski për Jutanji list.
