Pasi u bllokua nga Twitter dhe Facebook, Trump lanson një platformë të re dhe ja si duket


Donald Trump ka njoftuar planet për të nisur një platformë të mediave sociale të quajtur TRUTH Social që do të dalë në fillim të vitit të ardhshëm.

Ish-presidenti, i cili u bllokua nga Facebook dhe Twitter në fillim të këtij viti, thotë se qëllimi i tij është të rivalizojë kompanitë e teknologjisë që i kanë mohuar megafonin që ishte kryesorja për ngritjen e tij.

“Unë jam i emocionuar që së shpejti do të filloj të ndaj mendimet e mia në TRUTH Social dhe të luftoj kundër teknologjisë së madhe,” tha Trump në një deklaratë.

Trump e dha lajmin në një deklaratë për shtyp të mërkurën, duke thënë se platforma do të jetë e hapur për “përdoruesit e ftuar” në nëntor, ndërsa planifikohet që në dispozicion të publikut më të gjerë të jetë në fillim të vitit të ardhshëm. Truth Social do të jetë produkt i një sipërmarrjeje të re të quajtur Trump Media & Technology Group, e cila u krijua përmes një bashkimi me Digital World Acquisition Corp.

Përdoruesit mund të regjistrohen për një listë pritjeje ose të para-porosisin aplikacionin përmes Apple App Store. Me sa duket nga pamjet në App Store, një profil përdoruesi në Truth Social ka një ngjashmëri të habitshme me një profil në Twitter.
Në korrik, Trump paditi Facebook, Twitter dhe Google për atë që ai e quajti “censurimin e tij”.