Elon Musk ka pyetur përdoruesit e Twitter nëse duan që një buton editimi (ndryshimi) të shtohet në platformë – disa orë pasi mori 9.2 për qind të aksioneve pasive në kompani, duke e bërë atë aksionerin më të madh.
“A dëshironi një buton modifikimi”, shtroi pyetjen Musk në një postim në Twitter të hënën vonë.
Shefi ekzekutiv i Twitter, Parag Agrawal, i bëri retweet Musk-ut dhe iu bëri thirrje njerëzve të “votojnë me kujdes” pasi pasojat “do të jenë të rëndësishme”.
Musk është një përdorues i rregullt i Twitterit me më shumë se 80 milionë ndjekës, megjithëse kohët e fundit ai tha se po mendon seriozisht për ndërtimin e një platforme të re të medieve sociale.
Do you want an edit button?
— Elon Musk (@elonmusk) April 5, 2022
Në fund të muajit të kaluar, Musk pyeti ndjekësit e tij nëse ata mendonin se platforma mediale sociale inkurajon fjalën e lirë.
“Fjala e lirë është thelbësore për një demokraci funksionale. A besoni se Twitter i përmbahet me rigorozitet këtij parimi?”, kishte pyetur Musk.
“A nevojitet një platformë e re?”, pati theksuar ai.
The consequences of this poll will be important. Please vote carefully. https://t.co/UDJIvznALB
— Parag Agrawal (@paraga) April 5, 2022
