Novak Djokovic e përziu dje politikën me sportin, duke zgjuar reagime në Kosovë dhe më gjerë.
Tenisti serb pas meçit që e fitoi në xhiron e parë të Roland Garros, në kamerë, siç shkruajnë tenistët tradicionalisht, shkroi: “Kosova është zemra e Serbisë. Ndaloni dhunën”, shkruan “Express”.
E kjo bëri që të reagojnë mediat franceze dhe Djokovic rrezikon të dënohet për këtë veprim pasi Federata Franceze e Tenisit, si organizatore e këtij turneu, e ndalon rreptësishtë përzierjen e politikës në eventet sportive që i mban ajo.
E në ndërkohë, kanë reaguar edhe Komiteti Olimpik i Kosovës dhe Federata e Tenisit të Kosovës.
Në Rahovec, ndër të tjera, është zhgaravitur muralja e tenistit serb gjatë natës së mbrëmshme, si përgjigje ndaj deklaratave të Djokovicit, por edhe të situatës së tensionuar në veri të Kosovës.
Gjithahstu, anash është shkruar UÇK dhe janë fshirë shkrimet në gjuhën serbe.
