“Palestina ka rënë viktimë e ambicieve parazgjedhore të Trumpit”, tha Saeb Erekat, sekretari i përgjithshëm i Organizatës Çlirimtare Palestineze (PLO), të premten, pas informacionit se Serbia do të zhvendoste ambasadën e saj nga Tel Avivi në Jeruzalem.
Ekipi i Presidentit të SHBA-së, Donald Trump “do të bëjë gjithçka për të siguruar rizgjedhjen e tij, nëse do të sjellë apo jo paqe”, shkroi një zyrtar i lartë palestinez në Twitter, duke iu referuar zgjedhjeve presidenciale që do të mbahen në Shtetet e Bashkuara të Amerikës, shkruan observator.
Para takimit me udhëheqësit e Serbisë dhe Kosovës, të cilët diskutuan për normalizimin e marrëdhënieve në Uashington, Trump njoftoi se Serbia ishte zotuar të zhvendoste ambasadën në Jeruzalem dhe se Kosova dhe Izraeli kishin rënë dakord të krijonin marrëdhënie diplomatike, transmeton Telegrafi.
Presidenti amerikan tha të premten se Serbia do të bëhet kështu vendi i parë evropian që ndjek shembullin amerikan, një vendim që duhet të kënaqë elektoratin ungjillor të një miliarderi republikan dy muaj para zgjedhjeve presidenciale të SHBA-së.
Në të njëjtën kohë, Kosova, një vend me një “shumicë myslimane”, ka rënë dakord të vendosë “lidhje diplomatike” me shtetin hebre, shtoi presidenti i SHBA-ve.
“Bravo! Ju do të ndiqeni nga vendet e tjera myslimane dhe arabe”, shkroi ai në Twitter, duke theksuar se është “një ditë tjetër e madhe për paqen në Lindjen e Mesme”.
Delegacionet e Beogradit dhe Prishtinës u takuan në Uashington të enjten dhe të premten për të vazhduar dialogun mbi normalizimin e marrëdhënieve.
Bisedimet dy-ditore në Shtëpinë e Bardhë janë pritur nga Richard Grenell, i dërguari special i presidentit amerikan për negociatat Kosovë-Serbi dhe Robert O’Brien, këshilltar i sigurimit kombëtar.
Ndërsa afrohen zgjedhjet e 3 nëntorit, miliarderi republikan nuk e fsheh dëshirën për të kënaqur elektoratin ungjillor në atë mënyrë.
