Sapo të konfirmojnë autoritetet shëndetësore dhe epidemiologët se virusi është nën kontroll të plotë, procesi zgjedhor duhet të vazhdojë, thonë nga LSDM-ja në pushtet. Sekretari i Përgjithshëm Lupço Nikolovski tha se qytetarët kanë nevojë për institucione funksionale, dhe mbi të gjitha, një Parlament funksional. Ai akuzoi se VMRO-DPMNE opozitare tregoi një sjellje jashtëzakonisht të papërgjegjshme në momentet kryesore për shëndetin e qytetarëve. Kjo është arsyeja pse ata po ikin nga zgjedhjet tani.
Në memorien e secilit prej nesh, mbeti deklarata e turpshme e Mickoskit në fund të shkurtit të këtij viti. Mickoski tha se LSDM e lut Zotin, që të ndodhë koronavirusi në mënyrë që VMRO-DPMNE të mos dilte për të protestuar me popullin. Pastaj ai përqeshi dhe nënvlerësoi këtë pandemi dhe këtë krizë. Çfarë e bëri Mickoskin të trembet nga zgjedhjet pas vetëm dy muajsh? ”-tha Lupço Nikolovski – Sekretar i Përgjithshëm i LSDM-së.
Nga VMRO-DPMNE përsëritën se zgjedhjet nuk janë prioritet i tyre. Është çnjerëzore të flasim për zgjedhje, kur njerëzit sëmuren çdo ditë vdesin nga Kovid-19. Nënkryetari i partisë, Aleksandar Nikollovski beson se vendimet nuk duhet të merren sipas dëshirës personale, por në bazë të faktit nëse kriza është tejkaluar apo jo. Sipas tij, ideja që qytetarët të shkojnë në votime me maska mbrojtëse është dëshmi se e vetmja gjë për të cilën po mendon LSDM-ja janë zgjedhjet.
Unë mendoj se kjo tregon në dritën më të mirë atë jo njerëzoren e LSDM-së, dhe tregon se me çfarë personash kemi punë. Unë e konsideroj atë deklaratë çnjerëzore dhe të pahijshme. Aktualisht nuk ka asnjë studim të qëndrueshëm në botë, që thotë çfarëdo diçka mbron nga virusi. Në kushte të tilla, të rrezikoni dy milion njerëz vetëm sepse Zaevi dëshiron të amnistohet për krimin, unë mendoj se është e i papërshtatshëm, çnjerëzor dhe i pahijshëm. “-theksoi Aleksandar Nikolovski – VMRO-DPMNE.
Pasi Presidenti Stevo Pendarovski tha se kishte pëlqimin e drejtuesve të LSDM-së dhe VMRO-DPMNE-së, për një takim liderësh midis 10 dhe 12 maj, partia e Mickoski kërkoi, ndër të tjera, të diskutojë mbi dokumentin e Bullgarisë për gjuhën maqedonase. BDI, nga ana tjetër, propozon një takim liderësh online, por deri më tani nuk janë konsultuar për këtë.
BDI:
“Gjendja e jashtëzakonshme, mbajtja e zgjedhjeve dhe shëndeti publik normalisht se këto do të ishin temat. Së pari, të gjithë të kenë kushte të garantuara për të ushtruar të drejtën e tyre në mënyrë të sigurt, dhe atëherë do të flasim për zgjedhje. Datën e zgjedhjeve duhet ta dakordojmë të gjithë, dhe jo të vijmë në situatë dikush të bojkotojë. ”
Nga ASH, BESA dhe Alternativa thonë së ende nuk kanë marrë ftesë për takim liderësh, por për Alsat thonë se janë të gatshëm të japin propozime mbi temat e takimit./ALSAT
