Oda Ekonomike e Energjetikës do të pr*otestojë më 25 shkurt para Qeverisë së bashku me kompanitë vendase, ku do të ritheksojnë kërkesat dhe zgjidhjet e situatës me krizën energjetike. Më 24 janar, Oda Ekonomike e Energjetikës ka paraqitur kërkesa në Qeveri.
Një nga kërkesat është shkarkimi i ministrit të ekonomisë, drejtorëve dhe kryetarëve të caktuar kompanish dhe vendosja e ekspertëve në vend të tyre. Sipas tyre, me zgjidhjet e tyre do të mund ta shpëtojnë vendin nga kriza.
Oda Ekonomike e Energjetikës thotë se shteti duhet të ndajë para nga buxheti për kompanitë për t’i ndihmuar ata të kapërcejnë krizën energjetike. Me probleme po përballen edhe kompanitë e industrisë së tekstilit. Andaj thonë se duhet subvencionim urgjent për energjinë elektrike.
Përballë ministrit të Ekonomisë, Kreshnik Bekteshi, i cili dje tha se 170 milionë euro i kanë kushtuar vendit deri më tani krizën energjetike dhe të ngrohjes, Oda Ekonomike e Energjetikës thotë se kriza do t’i kushtojë vendit një miliardë euro.
