Mikrobiologu Nikolla Panovski ka deklaruar se vaksinat kundër Covid-19 shpëtojnë jetë dhe se duhet të jepen personave të cilët kanë nevojë.
“Personalisht jam në grupin që u vaksinuam në mars, nuk kam qenë i infektuar me coronavirus, por fuqishëm luftoj për të drejtat e personave që janë infektuar. Të infektuarve duhet t’u jepet vaksinë gjashtë muaj pas shërimit, në ndërkohë duhet të vaksinohen ata që nuk kanë mbrojtje, por edhe ata me dozë të tretë të cilët janë vaksinuar në shkurt dhe mars në mesin e të cilëve janë edhe punonjësit shëndetësorë”, u shpreh Panovski.
